Улуу жеништин 75 жылдыгын утурлап, Сүлүктү шаардык Маданият Сарайынын кызматкерлери Бусара Ражабалиева, Айнура Акматова, Гүлбарчын Орунбаева жана Надирабегим Исабековалар, аралыктан туруп тарткан видео куттуктоо жөнөттү.
«Шаарыбыздын маданият кызматкерлери аралыктан туруп, заманбап үлгүдөгү видео клип аркылуу Улуу Жениш майрамы менен куттуктаганы элибиз үчүн күтүүсуз жакшы жаңылык болду. Маданият сарайынын кызматкерлеринин өз ишине берилип иштегендери байкалып турат.»- дейт Сүлүктү шаарынын вице-мэри Марзия Сапаркулова.
«Ырдын, күүнүн, кандай гана болбосун искусство өнөрүнөн жаралган чыгармалардын элдин рухун, духун көтөрө турган касиети болот. Биздин маданият кызматкерлерибиз Бусара Ражабалиева, Айнура Акматова, Гүлбарчын Орунбаева жана Надирабегим Исабековалардын аткаруусундагы «Жеңиш Күнү» композициясы да, социалдык аралыкты сактоо шартында жашап жаткан Сүлүктү эли үчүн зор дем күч болду. Телефон аркылуу ыраазычылыгын билдирген жарандар көп болуп жатат»- дейт Сүлүктү шаардык маданият бөлүмүнүн башчысы Увадат Сабурова.
Даярдаган: Бакытбек САПАРКУЛОВ
Даярдаган: Барчынай АЛИМОВА 
Сүлүктү шаарындагы №9-гимназиясынын директору, билим берүүнүн отличниги, Базаргүл Рустамова аралыктан окутуу иштерин кантип жолго койгондугу боюнча кыскача маалымат берди: “Аралыктан окутуу ыкмасын жүргүзүү үчүн, кыска убакыттын ичинде окутуунун жаңы технологиясын иштеп чыгуу керек болду. Бул учурда эң зарыл болгон үч талапты койдук, биринчи талап- бардык окуучулар үчүн жеткиликтүү болгон шартты камсыздоо, башкача айтканда окутууда колдонулуучу техникалык каражаттардын бардык окуучуларга жеткиликтүү болуусу, экинчи талап- аралыктан болсо да мугалим менен окуучунун ортосундагы байланышты үзбөй, конструктивдүү диалогду сактап калуу, үчүнчүдөн- аралыктан тарбиялоого ата-энени түздөн түз катыштыруу. Биринчи багыт боюнча, кыйынчылык болгон жок. Анткени биз 2019-2020- окуу жылында EduPage- электрондук журнал программасын окуу процессибизге киргизип, эксперимент жүргүзүп жатканбыз. EduPage эч кандай кошумча техникалык каражатты, шартты талап кылбаган, WhatsApp- сыяктуу эле программа болгондуктан, аралыктан окутуу башталышы менен тапшырмалар жана кайтарым байланыш системалуу түрдө жүрүп, үзгүлтүк болгон жок. 
Экинчи талап- мугалим менен окуучунун ортосунда конструктивдүү диалогду түзүү, бул багытта бир аз кыйынчылыктар болду, акырында аны ватсап группа аркылуу чечтик. Ар бир класс жетекчи, классынын WhatsApp- группаларын түзүп, группаларга сабак берген мугалимдерди да кошту. Мисалы: “7-б класс, алгебра-геометрия”- группасы деп эки сабактан бир группа түзүлүп, группада окуучулар, класс жетекчи жана предметтик мугалим гана болот. Үчүнчү талап- аралыктан тарбиялоо иштерине ата-энелерди түздөн түз катыштырууга жетишүү. Бул багытта көп жылдардан бери новатор мугалим, педагогика илимдеринин кандидаты Гапыр Мадаминовдун “Энелер мектеби” программасын колдонуп, ата-энелер менен тыгыз иш жүргүзүп келген тажрыйбабызга таяндык. Ошондой эле кээ бир маселени чечүүдө, ата-энелер комитетинин мүчөлөрү аркылуу да иш жүргүзүп келебиз»- дейт Базаргүл Рустамова 
«Педагогика» багытында аспирантурада окуп, илимий-изилдөө иштерин жүргүзүп жаткан, гимназиянын мугалими Бакытбек Сапаркулов төмөнкүдөй маалымат берди: “Жалпы орто билим-берүүнүн педагогикалык тажрыйбасында буга чейин аралыктан окутуу ыкмасы колдонулбагандыктан, биздин гимназиябызда мугалимдердин билимине, тажрыйбасына таянып, кыска убакыттын ичинде, аралыктан окутуунун айыл шартына ынгайланышкан, жөнөкөй, эң негизгиси бардык окуучулар үчүн жеткиликтүү болгон ыкмаларын иштеп чыгып бир эле учурда эксперимент кылып, бир эле учурда иш жүзүнө ашырып жатабыз.
Коомдо кандай гана өзгөрүү болбосун, ал биринчи кезекте мугалимдер үчүн сыноо болот. Азыркы шартта да мугалимдер үчүн чон сыноо болууда. Мен өзүм педагогика илимдеринин доктору, профессор Жанкороз Каниметовдун “Билим берүүнү демократиялаштыруу” боюнча илимий эмгектерин жана педагогика илимдеринин кандидаты Гапыр Мадаминовдун “Акыл эмгегинин маданияты” эскперименталдык тажрыйбадан өткөн эмгектерин негиз кылып, Кыргызстанда жана чет мамлекеттерде аралыктан окутуу процессинде колдонулуп жаткан окутуунун технологияларын, компьютердик программаларды жана окутуудагы техникалык каражаттарды анализ кылуу, алардын артыкчылыктарын жана кемчиликтерин аныктоо, зарыл болгон учурда өзүбүздүн шартка ынгайланыштыруу боюнча, профессор Жангороз Каниметовдун илимий жетекчилиги менен жана Гапыр Мадаминовдун жетекчилиги менен иш жүргүзүп жатамын”- дейт Бакытбек Сапаркулов. 
Даярдаган: Айзада ЭРКИНОВА
Мамлекетибизде болуп жаткан өзгөчө абалга байланыштуу, жоопкерчиликтүү иштерди медицина кызматкерлери аткарып жаткандыктан коомчулук тарабынан жардамдар берилип жатат. Сүлүкту шаарындагы медицина кызматкерлерине да, кесиптик милдетин аткарууда коопсуздукту сактоо үчүн керек болгон коргонуу каражаттар менен жардам көрсөтүү иштери уланып келе жатат. 
«Компаньон Банкы» жабык акционердик коомунун Исфана филиалы тарабынан Сүлүктү шаарындагы жалпы дарыгерлердин практикалык борборуна коргонуучу кийим 10 даана, коргоочу көз айнек 10 даана жана 50 даана медициналык перчатки берилди. Медицина кызматкерлеринин атынан бардык кайрымдуу инсандарга ыраазычылыгыбызды билдиремин»- дейт аталган мекеменин директору Асат Ибрагимов. 
«Учурда Сүлүктү шаары боюнча санитардык-эпидемиологиялык кырдаал туруктуу, көзөмөлдө, тиешелүү чаралар көрүлгөн, жарандарыбыз эле жеке гигиенасын сактап, белгиленген эрежелерди сактасак бардыгы жакшы болуп кетет»- дейт Сүлүктү шаарынын башкы санитардык врачы Мусуратилла Исканов.
Сүлүктү шаардык кеңешинин депутаты, «Нур» ЖКЧнын башкы эсепчиси Жолдошев Нурлан Камалидинович шаарыбызда болуп жаткан кырдаалга байланыштуу өз эсебинен 15 үй-бүлөгө 10 килограммдан ун, 3 литрден пахта майы, медициналык маскалар менен жардам берди. Ошондой эле Сүлүктү шаарынын кире бериш жериндеги «Кызыл-Бел» карантиндик постундагы кызматкерлерге 50 даана перчатки, 20 даана медициналык маска, 1000 сомдук азык түлүк жеткирип берди. 
Сүлүктү шаардык кеңешинин депутаттары Айтемиров Сагын жана Абдыназаров Нурбек жардамга муктаж 20 үй-бүлөгө 20 кг эт, 100 кг макарон, 40 литр пахта майы, 20 кг кумшекер, 20 пачка чай, 20 кг гречка, 20 кг күрүч, 20 кг туз таратып беришти. 
Ошондой эле шаардык Кеңештин депутаты, «Нур» шахтасынын директору Абдыназаров Нурбек Рахманбердиевич, ишканасынын атынан жардамга муктаж 11 үй-бүлөөгө ар бирине 50 кг ун, 5 литр пахта майы, 2 кг кумшекер, 4 кг күрүч, 5 кг макарондон таратып, кайрымдуу иштерин уланттып жатат.
Сүлүкту шаары боюнча жеке ишкерлер коомчулукка жана социалдык мекемелерге ар тараптуу жардам көрсөтүү иштерин улантып жатат.
«Жардамга кол сунган «Нуркен» жоопкерчилиги чектелген коомунун директору Шадиев Замирбек Алимбаевичке жалпы медицина кызматкерлеринин атынан терең ыраазычылык билдиребиз. Элибизде ынтымак болсо, биримдик болсо баарын жеңебиз. Кандай гана ооруунун алдын алуу эң алгач жарандардын өзүнүн колунда. Жеке гигиенанын сактоо керек, жалпы мамлекетибиз аткарып жаткан эрежелерди аткаруу керек»- дейт Сүлүктү шаарынын башкы санитардык врачы Мусуратилла Исканов. 
«Жеке ишкерлерибизге ыракмат, материалдык, моралдык колдоо көрсөтүп жатат. Бизге коомчулуктун чоң жардамы — мамлекет башчыларыбыз, жетекчилерибиз тарабынан сунуш кылынган эрежелерге баш ийип, толугу менен аткарып, сабырдуулук көрсөтүп берсе эле болду, бул кыйынчылыктарда артта калат»- дейт инфекция бөлүмүнүн башчысы Аллакул Эшанкулов. 
Даярдаган: Барчынай АЛИМОВА.
Баткен облусунун Сүлүктү шаары боюнча билим жана илим кызматкерлеринин профсоюзу тарабынан, агартуу майданында эмгектенип жаткан, ден-соолугу жана үй-бүлөлүк абалы боюнча жардамга муктаж жарандарга азык-түлүк жардамы берилди. 
«Профсоюздун Борбордук жана областтык комитетинин тапшырмасы жана Сүлүктү шаардык билим берүү бөлүмүнүн сунушу менен билим берүү жана илим кызматкерлеринин кесиптик бирлигинин Сүлүктү шаардык комитети тарабынан аз камсыз болгон, турмуш шарты оор 22 кызматкердин ар бирине 1-сорттогу ун 1 кап жана 5 литрден өсүмдүк майы катары жардам бердик. Көрсөтүлгөн жардамдын жалпы суммасы 45 миң сом болду»- дейт профсоюздун Сүлүктү шаардык комитетинин төрагасы Канатбек Кудаяров. 
«Белгилүү болгондой билим берүү тармагында эмгектенип жаткан техникалык кызматкерлердин эмгек акысы азырынча ошол эле бойдон калып 2500 сомдон башталып, 4000 сомго чейин (эмгек стажы ж.б) түзөт. Ошондуктан профсоюздун Борбордук жана областтык комитетинин тапшырмасы жана Сүлүктү шаардык билим берүү бөлүмүнүн сунушу менен жардам уюшулду. Жардам алуучулардын тизмеси атайын комиссиянын мүчөлөрү тарабынан сунушталып, такталды. Тизмеге кирбей калган жарандарга жардам берүү үчүн Депутаттардын Сүлүктү шаардык Кенешине жана шаардык штабга кат менен кайрылды. Белгилей кетсем, ушул жагдайда профсоюздун Сүлүктү шаардык комитетинин төрагасы Канатбек Кудаяров алгылыктуу иш жүргүргүздү»- дейт комисиянын мүчөсү Рахат Орозова. 
«Профсоюздун Сүлүктү шаардык комитетинин төрагасы Канатбек Кудаяров тарабынан жардам берүү үчүн эң коопсуз ыкма колдонулду. Ал шаардын борборундагы ун жана суу май саткан муниципиалдык базар менен келишим түзүлүп, жардам алгандар ошол жерден тизме боюнча жардамдарын алып кетти. Жардамдын даректүү болгонун К.Кудаяров жеке көзөмөлгө алды»- дейт гимназиянын мугалими Бакытбек Сапаркулов.
«Шаардык Кеңештин төрагасы Каныбек Исмаилов, өтө колу ачык, Ак Жүрөк инсан экен. Ар дайым жардамга муктаж үй-бүлөлөргө жардам колун сунуп келет. Мисалы акыркы үч айдын ичинде эле материалдык жана акчалай болуп, жалпысынан 500 миң сомдой жардам көрсөттү. Мына бүгүн дагы 100 миң сомдук ун жана майды аялуу үй-бүлөлөргө таркатканына күбө болдум. Мамлекеттик кызматты аркалап, өлкөбүздүн көп аймактарында иштедим, бир да мындай чыныгы мекенчил инсанды көрө элекмин»- дейт Сүлүктү шаардык Социалдык өнүгүү башкармалыгынын башчысы Увраим Акимбеков. 
«Каныбек Арзибекович, бир жагынан иш билги, бир жагынан уюштургуч, инсандык бийик сапаты бар, келечектен көптү үмүттөндүргөн, бычакка сап боло турган жигитибиз. Эл алкышына татып шаардык Кеңешке экинчи жолу төрага болуп шайланып, иштеп жатат. Эгемендүүлүк мезгилинен бери облустук маанидеги шаарлардан эки жолку төрага болуп шайланган адистер өтө аз. Керек болсо Жогорку Кеңеште депутат болуп иштегенге билими да тажрыйбасы да, дарамети да жетет. Айта кетсем 2019-жылдын жыйынтыгы боюнча Сүлүктү шаарында салыкты эң көп төлөгөн ишкана да Каныбек Исмаиловго карайт»- дейт Сүлүктү шаардык кеңешинин депутаты Байышбек Абдираимов.
Жеке ишкер Байытов Нуридин Жолдошович тарабынан жалпы суммасы 100 миң сомдук азык-түлүк алынып келинип, Сүлүктү шаарынын Бөкөнбаев айылындагы жардамга муктаж 44 үй-бүлөгө 1 каптан 1-сорттогу ун, 5 литрден өсүмдүк майы жана 5 килограммдан макарон акысыз таркатылды. 
Сүлүктү шаарындагы «Ашимбай» ЖЧКнун директору Кучаров Тыныбек өзүнүн каражатынан шаардагы 15 аз камсыз болгон үй-бүлөнүн ар бирине жардам катары 2000 сомдук азык-тулук жеткирип берди. 
Сүлүктүдөгү жеке менчик, «Молдо Марип» шахтасынын директору Юнусов Абдираим Марипович тарабынан шаарда катталган «контактный» жарандар менен иштеп жаткан аймактык медайымдарга 100 даана стерилденген колкап (перчатки) таркатылды. 
Даярдаган: Барчынай АЛИМОВА