Сүлүктүлүк кенчилердин ийгилик сырлары

Бүгүн 30.12.19 жылы Сүлүктүдөгү эң алдыңкы шахталардын бири болгон «Кызыл-Булак» жоопкерчилиги чектелген коомунун директору, коомдук ишмер Карабаев Исманали Джумабаевич Кыргыз Республикасынын социалдык фондунун №1-күбөлүгү  тастыктаган «Кызматташтыкты бекемдегендиги үчүн» медалы менен сыйланды. Кыргыз Республикасынын Социалдык Фондунун Сүлүктү шаардык башкармалыгынын начальниги Таштанкулов  Айтали Маматович:»Кызматташтыкты бекемдегендиги үчүн» медаль менен болгондо да №1-болуп Сүлүктүлүк жетекчинин сыйлангандыгы биз үчүн чоң сыймык. Анткени жер астындагы көмүрдү өндүрүп, жүздөгөн шахтерлорду дээрлик 15 жыл ашуун мезгилде жумуш менен, көмүр менен камсыз кылуу өзү чоң эрдик экендиги белгилүү. Өндүрүш ишканаларынын ичинен кирешеси эң аз болгон  көмүр тармагында иштеп туруп социалдык фондго болгон төлөмдөрдү пландан ашык аткарып келүү менен Исманали Карабаев бардык өнөр жайларына үлгү болду десем жаңылбаймын. Медаль менен сыйлоо боюнча Социалдык Фонддун буйругу мурдараак чыкаан болсо да, бүгүн Кызыл-Булак шахтасынын Балаты-2020 майрамында тапшырып, сыйлап жатабыз»- деп маалымат берди. «Пенсиягы чыгып, ардактуу эс алууда болсом да, мен үчүн Кызыл-Булак ЖЧКнун жаңы жылдык аземине чакыруу алганым өзгөчө кубанычтуу болду. Анткени бул ишканада 9 жыл 7 ай иштеп, 53 жашымда пенсияга чыгып, учурда үй-бүлөм менен Лейлек районунун Тогуз-Булак айылында жашап жатамын. Бул ишканада иштеп пенсияга чыккандарды өтө жакшы сыйлайт. Мындан 10 жыл мурда Лейлектен көп кишилер Сүлүктү көмүр кендерине иш издеп келип, шахтер болуп иштегенбиз. Биз жумушка кирген күнү эле, Исманали Джумабаевич кыстап жүрүп, бардык документтерди толук жасаткан эле, ошондо кийин мага ыракмат айтасыңар деп көсөм жетекчи катары алдын ала айткан экен. Көрсө менен менен чогуу келип, башка шахталарга ишке кирген жердештерим пенсияга чыга албай жүрөт. Биз болсо пенсиябыздан тыш үйүбүзгө бир кыштык көмүрүбүздү да жеткирип берип жатат. Жалпы пенсионер шахтерлордун атынан Исманали Карабаевдин өмүрү узун, ден-соолугу чың болсун деп жараткандан суранабыз»- дейт  Ахун Нуров.  «Мен ушул шахтада15 жыл иштеп пенсияга чыктым. Ардактуу эс алууда эс алып жатамын.Кудайга шүгүр эмгек жамаатым ар бир майрамда чакырып, сыйлап төргө өткөрөт.Бүгүн да неберелериме жаңы жылга белектерди берди. Жаш шахтерлорго айтаарым, дарак бир жерде көгөрөт дейт, погрузкасына кызыкпай, айлык көп берген шахтада иштегиле 10 жыл 15 жыл тез эле өтүп кетет, кийин жаш улгайып, күч кубаттан тайганда пенсия да керек болот экен»-дейт участка начальниги болуп ардактуу эс алууга чыккан Миңбай Абдумомунов. «Кенчилерди иштеп жатканда кандай жакшы шарт түзүп берип карасам, пенсияга чыккандан кийин да ошентип караймын деген ой бар. Муну мен жаңы шахта ачканымда эле айткам. Учурда пенсияга чыккандан кийин да иштеген шахтёрлорубуз бар. Аларга жакшы шарт түзүү менен,  тажрыйбасын жаш шахтерлорго үйрөтсүн деген максат бар. Учурдан пайдаланып бардыгыңыздарды жаңы жылыңыздар менен куттуктаймын»-дейт Исманали Карабаев.  Даярдаган:            Бакытбек Сапаркулов

Сүлүктүлүк үч гимназист ЮНИСЕФке волонтер болду

 Сүлүктүдөгү 9-гимназиянын 11-классында окуп жаткан гимназисттер: Халжигитова Нургүл, Самадова Кызжибек жана Абдигапарова Канайым атайын тандоодон өтөндөн кийин ЮНИСЕФке волонтёр болуп катталды. «Волонтёр болуу үчүн эки этаптан туоған тандоодон өттүк. Биринчи этабында анкета жана эмне үчүн волонтёр болууну калагандыгыбызды билдирген өтүнмө жөнөткөнбүз. Экинчи этабында аңгемелешүү болду. Тандоодон өткөндөр Бишкек шаарында эки күндүк курстан өттүк. Мындан ары да окуулар болуп турат»- дейт волонтёр Нургүл Халжигитова.  «ЮНИСЕФке волонтёр болуу үчүн өтүнмө берип, конкурста катышуучу өтө көп болду. Тандоодон ийгиликтүү өтүүбүздүң себеби биздин гимназияда сабактан кийин коомдук уюмдар менен да иштешип келебиз. Мисалы 10-класстан бери Тынчтык демилгелери фондунун дебат клубуна катышабыз.Топтун башчысы, классташым Нургүл Халжигитова. Топту Бакытбек Сапаркулов агайыбыз түзүп жетектеп келет»- дейт волонтёр Кызжибек Самадова. «Мен 9-классымдан баштап Кошбулак жамааттык мультимедия борборунда волонтёрдук негизде кабарчы болуп иштеп келемин. Сабактан бош болгонумда кабар жазамын, аны агайым Бакытбек Сапаркулов редакциялап, сайтка жайгаштырат. Жамааттык кабарчы катары бир нече жолу тренингдерге катышып, сертификат алууга жетишкенмин. Ыссык-Көлдө өткөрүлгөн жаматтык кабарчылардын курсуна да катышып билим алганмын»- дейт Канайым Абдигапарова.

Даярдаган:         Мусуратилла ИСКАНОВ

Стереотип. Сүлүктүдө болгон окуя.

  Сүлүктүдө болгон окуя жөнүндө социалдык тармактардан алынган маалымат өзгөртүүсүз берилди.          Шаарга бет алардан бир нече күн мурун тиш доктурга кайрылгам. Кезек күткөнчө 1-2 саат  убакыт бар… Аны куру кетирбей өзүм менен китеп ала келгем. Кезек келди, кирдим. Врачтын биринчи берген суроосу мени таң калтырды:                                              -Гимназияда окуйсуңбу?                                      -Ооба, гимназияны аяктадым.                          — Гимназиянын окуучулары гана кезек күткөнчө китеп окуп отурушат…           Мына… Аябай сыймыктандым! Жакшы бир адат аркылуу өзүбүздү гана өнүктүрбөй, элге үлгү болуп, эң сонун стреотипти пайда кылыптырбыз… Демек, ар дайым ар бирибиз китеп окуу аркылуу мектебибизди гана эмес, өлкөбүздү өргө сүрөп, башка мамлекетке барганда «Кыргызстандыксынбы, кыргыздын элдери дайыма китеп кармап жүрүшөт…» деген стреотипти жаратууга күчүбүз жетет!               Жогорудагы маалыматты гимназиянын мугалими, Билим берүүнүн мыктысы- Дилара Шералиевага окуучулары айтып берген.         Даярдаган:     Бакытбек САПАРКУЛОВ

Курман Айт намазы Сүлүктүдө эки жерде окулду.

Бүгүн Кыргызстандын бардык жерлеринде Курман Айт намазы окулду. Баткен облусунун Сүлүктү шаарында эки жерде Сүлүктүдө борбордук Нур-Вали мечитинде жана Кошбулактагы Мухаммед мечиттеринде саат 7-45те намаз башталды.  Намазга баргандар өтө көп болгондуктан мечиттерге батпай сыртка чыгып окугандар да болду. Көп улуттун өкүлдөрүнөн турган шахтерлердун шаарында бардык момун мусулмандар бири бирин куттуктап жатышат. Коомдук абал тынч.

Даярдаган:     Бакытбек Сапаркулов

Кыргыз-тажик чек арасындагы кырдаал кантип өнүктү

Учурда жалпы Сүлуктү шаары үчүн маанилүү болгон Ош-Исфана-Сүлүктү авто унаа жолунда каттамдар кадимки абалга түштү. 22-июль күнү башталып кеткен чыр чатак кандайча башталды, окуялардын өнүгүүсүнө саресеп салып көрдүк.

Даярдаган:     Бакытбек Сапаркулов

Сүлүктүдө жасалган кир кетирүүчү каражаттар Бишкектин дүкөндөрүндө сатыла баштады

 Сүлүктүлүк новатор-ишкер Жусубали Болдубаев тарабынан иштелип чыккан, өзгөчө кирлерди кетирүүчү каражаттар Бишкетеги «Бардыгы 50 сом» соода маркасы менен белгилүү болгон дүкөндөрдө сатыла баштады.  Ариет же «ARIET» соода белгиси менен сатыкка чыккан пасталар Сүлүктүдөгү «Кошбулак» жоопкерчилиги чектелген коом тарабынан өндүрүлөт. «Өндүрүлгөн пастаны сатууну Бишкектен баштаганыбыздын себеби, бул жакта жаңы өндүрүлгөн товарларды колдонуп көрүүнү каалаган кардарлар көп. Бир колдонуп көргөн кардар сөзсүз блогу менен сатып алып жатат. Келечекте чет мамлекеттерге экспорттойбуз деген максаттар бар» — дейт Жусубали Болдубаев.  Дүңүнөн сатып алууну каалагандар болсо 0772988810 ватс ап аркылуу редакцияга кайрылып, өндүрүүчү ишкана менен байланыш маалыматтарын алсаңыздар болот.

Даярдаган:     Бакытбек Сапаркулов

Сүлүктү боюнча алгачкы Алтын Сертификат ээси- Айзада Эркинова

Билим берүү министрлигинин маалымат кызматы социалдык тармактарга официалдуу түрдө 2019-жылдын Жалпы Республикалык Тестирлөөнүн жыйынтыгы боюнча Алтын Сертификатка жетишкен окуучулардын тизмесин жарыялады. 

Маалыматтарга ылайык Сүлүктү шаарынын тарыхында алгачкы жолу 223 балл менен Алтын Сертификатка жетишкен Эркинова Айзада Бакытбековна болду.  Айзада Эркинова 2018/2019- окуу жылында Сүлүктү шаарындагы №9-мектеп гимназиясынын бүтүрүүчүсү. Белгилей кетсек Айзада 1-класстан баштап 11 класска чейин толук мектеп-гимназияда окуган эксперимент класстын алгачкы бүтүрүүчүсү. Биринчи мугалими Халова Чынара. Кыргыз тили мугалими Шералиева Диляра, математика мугалими Айтемирова Бууниса, физика мугалими Абдрасулова Бактыгүл, тарых жана олимпиадага даярдаган мугалими Мовлянова Гүлжан, биология мугалими- Джапарова Назира, класс жетекчиси Токонова Чынара, АЧД, АЭМ мугалими жана атасы Сапаркулов Бакытбек, химия мугалими- гимназиянын директору Рустамова Базаргүл Саттаровна. Базаргүл Рустамова көсөм жетекчи катары көптөгөн изилдөөлөрдөн кийин мындан 10 жыл мурда эле Гапыр Мадаминовдун акыл эмгегинин маданияты, энелер мектеби жана инсан таануу сабактарын киргизген. Айта кетсек Айзаданын ийгилигине Гапыр Мадаминовдун жеке өзүнүн жана илимий эмгектеринин салымы да өтө чоң. Андан сырткары Өкмөттүн Баткен облусундагы ыйгарым укуктуу өкүлүнүн орун басары Саттарова Чынара Осмоновна, Сүлүктү билим берүү бөлүмүнүн башчысы Исманов Абдибахап Жалиловичтер да Эл аралык олимпиадаларга катышып келген учурда ар тараптуу колдоосун көрсөтүп келет.  Даярдаган    Канайым Абдигапарова

Билим берүү Академиясынын Президенти- Баткен облусунун мугалимдерине кайрылуу жолдоду.

2019-жылдын 8—июнь күнү Баткен облусундагы Гапыр Мадамииновдун №3-эксперименталдык гимназиясында болгон мугалимдердин облустук семинары Кыргыз билим берүү Академиясынын Президенти- Алмазбек Токтомаметовдун видео-куттуктоосу менен башталды.  Алмазбек Даткабекович Лейлек районунун №3-гимназиясында өтүп жаткан, жогорку, орто окуу жайларынан жана мектептерден келген 50 ашык мугалимдерди видео-байланыш аркылуу куттуктап жатып  кайрылды: «Бүгүкү күндө акчанын же башка таасирлерден улам кээ бир кишилердин жогорку кызматтарга барып калышы,  балдардын билим алуусуна терс таасирин тийгизип жатат. Баланын жөндөмүн өнүктүргөн креативдүү мектептер деген китептин автору Кен Робинсон азыркы билим берүү системасы өндүрүштү индустриалдаштыруу мезгилинде чыккан, бул системада станок менен тетиктерди чыгарып, баарын бирдей окшош кылып жасаган, кичинекей эле өзгөрүп же жылып кетсе ал тетиктерди жараксыз кылып, «брак» деп чыгарып салган. Ошол психология менен биз бүгүн балдарга да мектептерге да бирдей талап коюп келебиз дейт. Бул кырдаалдан- айрым бир креативдүү мектептер жаныча ыкмалар менен, жаныча көз караштар менен балдарга өзгөчө мамиле кылуу аркылуу чыгып кеткен. Бүгүнкү Гапыр Мадаминовдун №3-гимназиясынын жасап жаткан ишин Кен Робинсон келтирген мыкты мектептердин мисалына  коет элем. Урматтуу мугалимдер, Сиздердин бүгүнкү жасап жаткан иштериңиздер бул бир эле мектептин ийгилиги эмес бара-бара жалпы Кыргызстандын, башка мамлекеттердин да ийгилиги болот деп ишенем, анкени жаңыча көз караш, чыгармачылык көз караш ийгиликке алып келет. Гапыр Мадаминовдун   ийгилигинин  жалпы Кыргызстанга жайылуусуна дайыма тилектешмин»- дейт билим берүү академиясынын жетекчиси.          Белгилей кетсек бул семинарга Өкмөттүн Баткен облусундагы ыйгарым укуктуу өкүлүнүн орун басары-медицина илимдеринин кандидаты Чынара Саттарова баш болуп, Кадамжай, Баткен, Лейлек райондорунда жана Баткен, Сүлүктү шаарларында чыгармачылык менен изденип эмгектенген мугалимдер катышты

 Даярдаган:      Бакытбек САПАРКУЛОВ

Сүлүктүлүк «Алтын Тамга» женүчүсү Грецияга окууга жолдонмо алды.

Окуудагы өзгөчө жетишкендиктери үчүн «Алтын Тамгага» талапкер Сүлүктүлүк беш окуучунун ичинен Эркинова Айзада Бакытбековна бардык талаптар боюнча татыктуу болуп, мамлекеттик тестти ийгиликтүү  тапшыруу менен жетишти. Белгилей кетсек Айзада Эркинова №9-гимназиянын бүтүрүүчүсү. Аталган мектепте 1-класстан бери жалаң «5»-деген баа менен окуп келе жатат.  «Кызым биологиядан шаардык, тарыхтан облустук математикадан Эл аралык олимпиаданын жеңүүчүсү болгон. Айзада быйыл Грецияга окууга жолдонмо алды. Азырынча кайсыл жогорку окуу жайга барууну чече элекпиз»- дейт атасы Бакытбек Сапаркулов. «Кайсыл окуу жайын тандаса деле окута беребиз, негизи Айзаданын өзүнө жакса эле болду»- дейт апасы Барчынай Алимова.  «Мектептен сырткары иштерде да Айзада эже алдыңкылардан. Бир жылдан бери бизге дебат клуб боюнча мастер класс өтүп келет» дейт 10 класстын гимназисти Нускайым Самадова

Кабарчы:      Бактыгүл КАЛМУРЗАЕВА

Сүлүктүдөгү гимназияга облус жетекчиси жардам берет

Сүлүктү шаары боюнча терең билим берүү очогу болгон гимназиянын лабораторияларын заманбап жабдуулар менен камсыздоо боюнча Өкмөттүн Баткен облусундагы ыйгарым укуктуу өкүлү Акрам Мадумаров жакындан жардам бермей болду.  Бул маалымат Облус башчысы Акрам Камбаралиевичтин Сүлүктү шаарына иш сапары менен келген учурунда маалым болду. «Гимназиябыз математика, кыргыз тили жана тарых сыяктуу предметтерден облустук, республикалык денгээлге чыгып байгелүү орундарды системалуу түрдө алып келе жатат. Бирок лабораториялык база жок болгондуктан чоң ийгиликтерди жаратууда кыйынчылык жаралууда. Маселени чечүү үчүн облус башчыбызга кайрылсак жакындан жардам берүүгө убада берди»- дейт АЭМ сабагынан мугалим Бакытбек Сапаркулов.  «Биздин гимназиябызга облус жетекчисинин рангыдагы башчылардан биринчи жолу Мадумаров Акрам Камбаралиевич иш сапары менен келип отурат. Эмгек жолун билим берүү тармагына көңүл бөлүп, агартуу майданына көтөрүү менен иш баштаган облус жетекчибизден чындыгында көптү үмүт кылып калдым»- дейт гимназиянын эмгек сиңирген мугалими Молдоканова Ракыя Мустафановна.  Даярдаган:      Айзада ЭРКИНОВА