Сүлүктү: гимназиянын мугалимдери ишембиликке чыкты

 21-сентябрь бүткүл дүйнөлүк тазалык күнүнө карата Сүлүктүдөгү гимназиянын директору баш болуп ишембиликке чыкты. «Биз гимназия билимден эле эмес тарбиянан да үлгү болушубуз керек деп директорубуз Базаргүл Рустамова өзү чыгып иш баштаганда бардык мугалимдер иш баштады. Окуучуларга да үлгү болду окшойт 2-3 саатта бүтүрөбүз деген жумуштарды  бир жарым саатта бүтүрүп койдук»- дейт информатика мугалими Чынара Токонова.  Даярдаган:      Бакытбек Сапаркулов

Гапыр Мадаминов Сүлүктүгө билим шамын жакты.

 «Бүгүн Сүлүктү шаарында билим майрамы болду десек болот. Анткени новатор, педагогика илимдеринин кандидаты, Кыргыз Республикасына эмгек сиңирген мугалими Гапыр Мадаминов келип, окуучуларга, мугалимдерге жана ата-энелерге сабак өтүп берди. Иш чара саат 9:00 дөн баштап 17:30 га чейин Сүлүктүдөгү  №5-мектепте болуп өттү»- дейт аталган мектептин директору Хажихужа Чалбобоев. «Гапыр Мадаминовдун келип окуу өткөрүүсү  билим менен тарбияны айкалыштыруу жаатындагылар үчун караңгыда Шам чырак сыяктуу эле. Аба-менен суудай керек. Көп жыл мектеп директору болуп иштегениме карабастан көп нерсени алдым. Жаш энелердин арасынан ушунчалык таасирленгенинен улам көзүнө жаш алып, ыйлагандары болду»- дейт ардагер мугалим Ойсара Худайназарова.  «Бул окуу менен чектелбестен Агай жетектеген Лейлектеги  №3-гимназиясына барып үйрөнүүнү максат кылдык. Ушунча алыстан келип Эл аралык деңгээлде сабак өтүп берген Гапыр Мадаминовго, уюштуруп берген Сүлүктү шаардык билим берүү бөлүмүнүн башчысы Абдибахап Исмановдорго чоң ыракмат»- дейт  информатика мугалими Эргешали Турсунбаев.  Даярдаган:   Барчиной АЛИМОВА

Сүлүктү билим берүү бөлүмү кызматташуу денгээлин жогорулатты

 Сүлүктү шаардык билим берүү бөлүмү тарабынан билим берүүнү жакшыртуу, жетишкен ийгиликтерди мындан да жогорку даражага жеткирүү максатында республикалык деңгээлдеги уюмдар менен кызматташууну жолго коё алды. Өткөн окуу жылында алгачкылардан болуп Сүлүктү шаары электрондук мектепке өткөн болсо быйылкы жылдан баштап БИЛИМДИ БААЛОО ЖАНА ОКУТУУ УСУЛДАРЫ БОРБОРУ МЕНЕН кызматташууну баштады. Аталган мекеме ЦООМО  аталышы менен белгилүү же окуучулардан жалпы республикалык тестирлөөнү өткөрүүчү уюм   «Быйылкы окуу жалынан баштап ЦООМО менен бүтүрүүчү класстар үчүн көнүгүү тесттерин уюштуруп турабыз. Жыл башында бир жолу көнүгүү тест өткөрүп жетишпеген жактарды билип алып, ошонун үстүнөн иш жүргүзөбүз.  Үчүнчү чейрек жыйынтыкталганда дагы бир ирет көнүгүү тест тапшырып, окуучулардын тестке даярдыгын баалайбыз. ЦООМО менен кызматташканыбыздын себеби биринчиден ЖРТны уюштуруп өткөргөн уюм экинчиден ар бир предмет ар бир глава боюнча % аркылуу жетишүүнү көрсөтүп берет»- дейт билим берүү бөлүмүнүн башчысы Абдибахап Исманов. «Алгач гимназиянын бүтүрүүчү класстары үчүн 50 катышуучу болсо керек деп пландаштырганбыз. Шаардык билим берүү бөлүмүнүн сунушу менен Сүлүктүдөгү бардык мектептер катышууга чакырылды.  Иш жүзүндө шаар боюнча 116 окуучу көнүгүү тест тапшырды. Демек окуучуларды жалпы республикалык тестке даярдоодо түшүндүрүү иштери жеткиликтүү деңгээлде  жүргүзүлгөн»- дейт гимназиянын мугалими Бакытбек Сапаркулов. «Бизге башка район шаарларда окуп жаткан досторубуз суктанып жатат. Анткени алар көнүгүү тест тапшыруу үчүн жол кире кетирип Бишкек шаарына барат. Бизге болсо мектебибизге уюштуруп берди. Эми жакшы окуп, жогорку балл алып ата-энелерибиздин, мугалимдерибиздин эмгегин акташыбыз керек»- дейт 11-класстын гимназисти Айжамал Торобаева.   Белгилей кетсек 116 окуучу негизги тест 103 окуучу предметтик тест боюнча көнүгүү тест тапшырган. 

Даярдаган:       Барчиной АЛИМОВА

Элеттик жаштар англис тилин новатордук ыкмада ватсап аркылуу үйрөнүүдө

 Региондордогу жаштар  Гапыр Мадаминовдун «Акыл эмгегинин маданияты» китебин колдонуу менен иштелип чыккан,  заманбап ыкмада англис тилин ватсап аркылуу үйрөнүүдө. Бул ыкманын автору  Гүлсара Мадаминова. ; «Англис тилин үйрөтүү программасын Гапыр Мадаминовдун жетекчилигинде иштеп чыгып ийгиликке жетиштим. Курста кыска убакыттын ичинде окуган окуучуларымдын алды АУЦАда, Ала-Тоо Эл аралык университеттеринде билим алып жатышат. Акыркы мезгилде региондордогу жаштардан каалоочулар өтө көп болгондуктан ватсап аркылуу үйрөтүү ыкмасын иштеп чыктым. Буюрса жакшы натыйжа берет деп айта аламын»- дейт Гүлсара Мадаминова.    «Гүлсара эжеден англис тилин үйрөнгөнүмө аз эле убакыт болгонуна карабастан эркин сүйлөй баштадым. АУЦАга бюджеттик негизде студент болгонума да ушул себепчи болду»-болду дейт Айзада Эркинова. «Бишкектеги салттуу болуп калган ыкма менен окуткан көп эле курска барып жүрдүм. Качан гана досторумдун сунушу менен Гүлсара Мадаминовада окуй баштаганымда үйрөнүп жаткан билимиме өзүм канааттана баштадым. Бул курс мага окшогон региондордогу жаштарга өтө пайдалуу экен»- дейт кыргыз тили боюнча республикалык деңгээлдеги олимпиададан 2-орунду алган, Сүлүктүдөгү 9-гимназиянын гимназисти Канайым Абдигапарова.

Даярдаган:    Бакытбек САПАРКУЛОВ

 

Баткенде комуз күнү белгиленди

Баткен облусу боюнча 250 комузчунун катышуусунда комуз күнү белгиленди.

«Баткен облусу боюнча комуз өнөрүн үйрөнүүнү колго алдык. Облус боюнча бардык билим берүү мекемелерине анын ичинен мектептерге жаш жеткинчектерди комуз ийримине катышууга чакырып келем. Анкени комузда кол ойнотуу жаштарды мекенчилдикке тарбиялоо менен бирге интеллектуалдык жөндөмүн өстүрүүгө да таасирин берет»- дейт Өкмөттүн Баткен облусу боюнча ыйгарым укуктуу өкүлүнүн орун басары, медицина илимдеринин кандидаты Чынара Саттарова.

Даярдаган:       Барчиной АЛИМОВА

Сүлүктүлүк үч гимназист ЮНИСЕФке волонтер болду

 Сүлүктүдөгү 9-гимназиянын 11-классында окуп жаткан гимназисттер: Халжигитова Нургүл, Самадова Кызжибек жана Абдигапарова Канайым атайын тандоодон өтөндөн кийин ЮНИСЕФке волонтёр болуп катталды. «Волонтёр болуу үчүн эки этаптан туоған тандоодон өттүк. Биринчи этабында анкета жана эмне үчүн волонтёр болууну калагандыгыбызды билдирген өтүнмө жөнөткөнбүз. Экинчи этабында аңгемелешүү болду. Тандоодон өткөндөр Бишкек шаарында эки күндүк курстан өттүк. Мындан ары да окуулар болуп турат»- дейт волонтёр Нургүл Халжигитова.  «ЮНИСЕФке волонтёр болуу үчүн өтүнмө берип, конкурста катышуучу өтө көп болду. Тандоодон ийгиликтүү өтүүбүздүң себеби биздин гимназияда сабактан кийин коомдук уюмдар менен да иштешип келебиз. Мисалы 10-класстан бери Тынчтык демилгелери фондунун дебат клубуна катышабыз.Топтун башчысы, классташым Нургүл Халжигитова. Топту Бакытбек Сапаркулов агайыбыз түзүп жетектеп келет»- дейт волонтёр Кызжибек Самадова. «Мен 9-классымдан баштап Кошбулак жамааттык мультимедия борборунда волонтёрдук негизде кабарчы болуп иштеп келемин. Сабактан бош болгонумда кабар жазамын, аны агайым Бакытбек Сапаркулов редакциялап, сайтка жайгаштырат. Жамааттык кабарчы катары бир нече жолу тренингдерге катышып, сертификат алууга жетишкенмин. Ыссык-Көлдө өткөрүлгөн жаматтык кабарчылардын курсуна да катышып билим алганмын»- дейт Канайым Абдигапарова.

Даярдаган:         Мусуратилла ИСКАНОВ

Сүлүктүдөгү гимназияда кош майрам болду

Сүлүктүдөгү №9-гимназияда билим күнү майрамы менен кошо «Исманали Джумабаевич Карабаев» атындагы китеп окуу залынын ачылуу аземи болду. «Учур талабына ылайык баланы окутуунун бир канаты компьютердик технология каражаттары болсо экинчи канаты китеп болуп экөө бирдей иштегенде натыйжалуу болот. Мына дал ушул максатты көздөп алгачкы жолу окурмандар залын түзүүгө жетиштик»- дейт гимназиянын китепканачысы Гулсунай Каракулова. «Өз күчүбүз менен окурмандар залын түзүп, аны эң мыкты китептер менен толуктап иш баштадык. Мисалы бир эле «Гиннес рекорддору» аттуу китепти 3 миң сомго алсак, «Тарыхый энциклопедия» «балдар энциклопедиясы» китептерин 1500 сомдон алдык» дейт мугалим Бактыгүл Абдрасулова. «Эмгек жамаатыбыздын бир добуштан кабыл алынган чечимин шаардык билим берүү бөлүмү менен макулдашкандан кийин Окурмандар залына бир канча орден медалдардын ээси, коомдук ишмер, «Кызыл-Булак» жоопкерчилиги чектелген коомунун директору Карабаев Исманали Джумабевичтин атын ыйгардык. Окуучуларыбыз да ушул кишидей Ак жүрөк инсандардан болсун деп тилек кылдык»- дейт гимназиянын директору Базаргүл Рустамова.«Менин атымды окурмандар залына койгону күтүүсүз болду. Чынын айтсам кандайдыр бир деңгээлде сыймыктануу да болду бирок, чоң жоопкерчилик экени түшүнүктүү. Кудай Буюрса ушундай чоң ишенимге татыктуу болуп Элиме көп кызмат кылып беремин»- дейт Исманали Карабаев.

Даярдаган:     Барчиной Алимова

Кенчилердин кесиптик майрамы белгиленди.

1935-жылы 30-августтан 31-августка караган түнү Россиянын шахталарынын биринде кенчи  Стаханов белгиленген чек 7 тонна болсо, 104 тонна көмүр казып алган. Ошол күндөн баштап мурдагы Советтер Союзу, азыркы КМШ мамлекеттеринин катарында Сүлүктүдө да кенчилердин кесиптик майрамы белгиленип келет. 2019-жылы да шаар боюнча белгиленип жатат.                     (сүрөттө И. Дж. Карабаев)                «Эгемендүүлүк колубузга тийгенден кийин көптөгөн кыйынчылыктарга карабай, өз кенибизди өзүбүз өндүрүп келебиз. Бизде инвестор дагы, шахтер дагы жергиликтүү тургундардан болгондуктан жумуш берүүчү менен жумушчулардын мамилесинде эч кандай келишпестик жок. Кенчилерибизди өтө жакшы карайбыз»- дейт Кызыл-Булак шахтасынын директору, коомдук ишмер Исманали Карабаев.  «Биздин шахта жетекчилерине ыракмат. Шахтаны өз каражаты менен ачканы менен бизге кадимкидей жакшы мамиле кылат. Жетекчибиз Өмүрбек Исмаилов жаш болгону менен мыкты уюштургуч, жөнөкөй. Кесиптик майрамга карата Шаардык Кеңештин Ардак грамотасы жана акчалай сыйлык менен сыйландым. Өзүм иштеген Кара Алтын- Кен шахтасында майрамга карата баалуу белек жана акчалай сыйлык берди»- дейт Асан Салиев.

Даярдаган:     Мусуратилла Исканов

Сүлүктүдө эгемендүүлүк күнү белгиленүүдө

Сүлүктү шаарында эгемендүүлүк күнү өзгөчө шаң менен белгиленүүдө. Алгач салтанаттуу жыйын Исхак Раззаков атындагы борбордук аянтта болуп, бардык мекеме ишканада иштегендер параддан өтүштү. Жыйындын салтанаттуу бөлүгүндө  эмгектеин алдыңкылары сыйланды. Ошондой эле ардактуу эс алуудагы шаар тургундары да сыйланды. Жыйын соңунда Эс алуу багында жаш балдар үчүн кызыктуу оюндар уюштурулуп, аттракциондор иштеп жатат.              Даярдаган:      Барчынай АЛИМОВА

 

 

Стереотип. Сүлүктүдө болгон окуя.

  Сүлүктүдө болгон окуя жөнүндө социалдык тармактардан алынган маалымат өзгөртүүсүз берилди.          Шаарга бет алардан бир нече күн мурун тиш доктурга кайрылгам. Кезек күткөнчө 1-2 саат  убакыт бар… Аны куру кетирбей өзүм менен китеп ала келгем. Кезек келди, кирдим. Врачтын биринчи берген суроосу мени таң калтырды:                                              -Гимназияда окуйсуңбу?                                      -Ооба, гимназияны аяктадым.                          — Гимназиянын окуучулары гана кезек күткөнчө китеп окуп отурушат…           Мына… Аябай сыймыктандым! Жакшы бир адат аркылуу өзүбүздү гана өнүктүрбөй, элге үлгү болуп, эң сонун стреотипти пайда кылыптырбыз… Демек, ар дайым ар бирибиз китеп окуу аркылуу мектебибизди гана эмес, өлкөбүздү өргө сүрөп, башка мамлекетке барганда «Кыргызстандыксынбы, кыргыздын элдери дайыма китеп кармап жүрүшөт…» деген стреотипти жаратууга күчүбүз жетет!               Жогорудагы маалыматты гимназиянын мугалими, Билим берүүнүн мыктысы- Дилара Шералиевага окуучулары айтып берген.         Даярдаган:     Бакытбек САПАРКУЛОВ