2020-жылдын 30-апрель күнү Ош мамлекеттик университетинин Индустриалдык-педагогикалык колледжинин  тилдер кафедрасы ZOOM программасы аркылуу , аралыктан байланышуу менен уюштурган илимий семинар болуп өттү. Бул семинарга педагогика илимдеринин доктору профессор Акматали Алимбеков баш болгон илимпоздор, Ош мамлекеттик университетинин Индустриалдык-педагогикалык колледжинин профессор-окутуучулар жамааты, Чүй, Кара-Суу, Араван райондорунан жана Таш-Көмүр, Сүлүктү шаарларынан мектептердин мугалимдери катышты.

Индустриалдык-педагогикалык колледждин тилдер кафедрасынын башчысы, конференциянын модератору Бактыгүл Байтикова:  «Гапыр Мадаминов — бала окутуунун жана тарбиялоонун мыкты чебери» деген темадагы илимий семинарда «Манас» университетинин профессору, педагогика илимдеринин доктору Акматали Алимбеков,  педагогика илимдеринин кандидаты, Кыргыз Республикасынын эмгек сиңирген мугалими Гапыр Мадаминов жана Сүлүктү шаары боюнча жаш мугалимдердин кесиптик чеберчилигин арттыруу мектебинин жетекчиси, педагогика боюнча аспирант Бакытбек_Сапаркулов, Лейлек районунун №3-гимназиясынын окуу-тарбия иштери боюнча   директорунун орун басары Нарбүбү Анаркуловалар эн кызыктуу, актуалдуу доклад жасады»- деп маалымат берди.

«Илимий семинарга Сүлүктү шаары боюнча жаш мугалимдер катышты. Биринчиден семинардын докладдары жаш мугалимдери үчүн өтө пайдалуу болду. Экинчиден: аралыктан туруп конференция семинарларды уюштуруп өтөрүүнү үйрөндүк. Буюрса Сүлүктү шаарындагы жаш мугалимдердин чеберчилигин арттыруу мектебинин катышуучулары да ушул сыяктуу, практикалык семинарларды уюштурабыз»- дейт Бакытбек Сапаркулов.

     Даярдаган:                 Барчынай АЛИМОВА