Учурдагы кырдаалга байланыштуу, Баткен облусунун Сүлүктү шаарында аз камсыз болгон, жардамга муктаж үй-бүлөлөргө жеке ишкерлер тарабынан жардам көрсөтүү иштери жүрүп жатат. Сүлүктү шаардык Кеңешинин жаш депутаттары да демилге көтөрүп, аз камсыз болгон жарандарга азык-түлүктөн жардам берүүдө.

Сүлүктү шаардык кеңешинин депутаты, «Нур» ЖКЧнын башкы эсепчиси Жолдошев Нурлан Камалидинович шаарыбызда болуп жаткан кырдаалга байланыштуу өз эсебинен 15 үй-бүлөгө 10 килограммдан ун, 3 литрден пахта майы, медициналык маскалар менен жардам берди. Ошондой эле Сүлүктү шаарынын кире бериш жериндеги «Кызыл-Бел» карантиндик постундагы кызматкерлерге 50 даана перчатки, 20 даана медициналык маска, 1000 сомдук азык түлүк жеткирип берди. Сүлүктү шаардык кеңешинин депутаттары Айтемиров Сагын жана Абдыназаров Нурбек жардамга муктаж 20 үй-бүлөгө 20 кг эт, 100 кг макарон, 40 литр пахта майы, 20 кг кумшекер, 20 пачка чай, 20 кг гречка, 20 кг күрүч, 20 кг туз таратып беришти.   Ошондой эле шаардык Кеңештин депутаты, «Нур» шахтасынын директору Абдыназаров Нурбек Рахманбердиевич, ишканасынын атынан жардамга муктаж 11 үй-бүлөөгө ар бирине 50 кг ун, 5 литр пахта майы, 2 кг кумшекер, 4 кг күрүч, 5 кг макарондон таратып, кайрымдуу иштерин уланттып жатат.

      Даярдагандар:          Барчынай АЛИМОВА                                                                                  Бүсара РАЖАБАЛИЕВА