Сүлүктүдө жаш мугалимдер мектебинин жалпы жыйыны болду

Сүлүктү шаары боюнча бардык мектептердин жана балдар чыгармачылык борборунун жаш мугалимдери болуп жалпысынан 47 педагог катышкан жыйын өттү. Жыйынды шаардык билим берүү бөлүмүнүн башчысы Абдибахап Исманов ачып алып барды.   «Быйылкы окуу жылында жаш мугалимдер мектеби ишмердүүлүгүн күчөттү. Аз убакыттын ичинде жалпы жыйынга чогулууга жетише алды. Жаш мугалимдер мектебине Бакытбек Сапаркуловдун жетекчи болуусу алгачкы натыйжаларын бере баштады»- дейт билим берүү бөлүмүнүн усулкаана башчысы Темиржан Каюмова. «Жаш мугалимдер мектебинин ишин үюштурууда чыгаан педагог Гапыр Мадаминовдун «Устаттык Өнөрү» китебин жана китептеги жаш мугалимдердин чеберчилигин өстүрүү мектеби боюнча түзүлгөн программаны негиз кылып алдык. Жыйында жаш мугалимдер мектебинин максатын: идеалдуу мугалим болуу, милдеттерин аныктап алдык.»- дейт Бакытбек Сапаркулов.

Даярдаган:   Барчиной АЛИМОВА

Сүлүктүлүк гимназисттер өз ара жардамдашуу акциясын баштады

Сүлүктүдөгү Н. Кушматов атындагы гимназиянын жогорку класстарынын ортосунда өз ара жардамдашуу иштери жолго коюлду. «Сабактан кийин китеп окуу, сабакка даярдануу жана дебат искусствосу жөнүндө билимибизди жана тажрыйбабызды өзүбүздөн кичине класстарга бөлүшүүнү чечтик. Аларга түшүндүрүү менен бирге өзүбүз билимибизди бышыктап алат экенбиз»- дейт 11- класстын гимназисти Канайым Абдигапарова. «Жогорку класстын окуучулары сабак өтүп берсе кызыктуу болот экен. Суроолорубузду эркин берип, өзүбүзгө жеткиликтүү жооп ала алдык. Анын үстүнө бизге жардамга келген ага-эжелерибиз бардык өз предметтери боюнча облустук, республикалык деңгээлдеги олимпиаданын жеңүүчүлөрү. Сабак окуунун  жөнөкөй жолдорун үйрөттү. Ар жүма ушундай сабактар болсо жакшы болот эле»- дейт 8-класстын гимназисти Бегайым Хамдамова. Даярдаган:     Нургүл ХАЛЖИГИТОВА

Сүлүктүдө Өзгөчө кырдаалдарга машыгуу өттү

ЮНИСЕФтин Сүлүктү шаарындагы волонтёрлору тарабынан уюштурулган Өзгөчө кырдаалдарга даярдык боюнча окуу-машыгуулары коомдук мекеме уюмдарда өтүп жатат.   «Демилгебизди социалдык мекеме ишканалар колдоого алып, биз менен бирге окуү-машыгууларды өткөрүп жатат. Өзгөчө Сүлүктү шаарындагы мектептер, бала бакчалары активдүү катышууда «- дейт волонтёр Кызжибек Саматова.    «Алдын ала мекеме ишкананын жетекчилиги менен макулдашып өзгөчө кырдаалды билдирген конгуроо чалынганда бардык окуучулар ошол замат сыртка эвакуация болот. Биз бардыгына көз салып карап турабыз. Сыртка чыгып «коопсуз» орунга чогулганда кимде кандай кемчилик болсо ошону айтып, оңдоп беребиз. Биз менен чогуу келген ЮНИСЕФтин волонторлору чогулгандарга өзгөчө кырдаалдар боюнча жаңы маалыматтарды берет»- дейт волонтер Нургүл Халжигитова. Даярдаган:     Барчиной АЛИМОВА

Сүлүктүдөгү жаш мугалимдер мектеби жаңы багыт алды

 Сүлүктү шаарындагы жаш мугалимдер мектеби өз ишмердүүлүгүн өркүндөтүүдө жаңы багыт алды. «Жаш мугалимдерге усулдук кеңеш берүү максатында түзүлгөн жаш мугалимдер мектебинин эффективдүүлүгүн көтөрүү максатында билим берүү бөлүмүнүн башчысы Абдибахап Исмановдун жетекчилиги менен жаңы багыттагы иш планын иштеп чыктык. Биринчиден Гапыр Мадаминовдун 2019-жылы толуктоолор менен басылып чыккан Устаттык Өнөрү китебин, бул китепте берилген иш планды негиз кылып алдык.Экинчиден жетекчилик тажрыйбасы бар, гимназиянын мугалими Бакытбек Сапаркуловду жаш мугалимдер мектебинин ишин уюштуруп алып барууга координатор кылып дайындадык.»- дейт усулкаананын башчысы Темиржан Каюмова.  «Жаш мугалимдер мектебинин ишин өркүндөтүү боюнча алгачкы кадамды. Сүлүктүдөгү №3-мектептен баштаганыбыздын себеби Гапыр Мадаминов өзү ушул мектептен билим алып, ушул мектепте эмгек жолун баштаган. Биз күткөндөй эле жалпы эмгек жамаатынан активдүү колдоо болуп, алгачкы кадамыбыз ийгиликтүү болду.Жаш мугалимдерге усулдук жардам көрсөтүү иштери бардык мектептерде жүргүзүлөт»- дейт Бакытбек Сапаркулов.    Даярдаган:       Барчиной АЛИМОВА

Сүлүктүдө мамлекеттик тилдин 30 жылдыгы белгиленүүдө

Баткен облусунун Сүлүктү шаарында Маданият Сарайында Мамлекеттик тилдин 30 жылдыгы чоң салтанат менен белгиленүүдө. «Буга чейин ар бир мектепте Кыргыз Тили кароо сынагы болуп өтүп, мектептерден эң мыкты деп табылгандары бүгүн шаардык деңгээлде ат салышып жатат. Кыргыз тилинин өнүгүүсү үчүн ар бирибиз салым кошуп алга сүрөшүбүз керек»- дейт тил комиссиясынын мүчөсү, билим берүү тармагынын кесиптик кошуун төрагасы Канатбек Кудаяров.  Бул аземге беш жүзгө жакын киши катышып жатат.

Даярдаган:      Барчиной АЛИМОВА

Сүлүктүгө Г.Мадаминовдун жаңы китептери келди

 «Көптөгөн окурмандардын суранычынан улам Гапыр Мадаминовдун жаңыдан басмадан чыгып али сыясы кургай элек китептеринен Сүлүктүгө да келди. Агайдын китептерин жалпы Кыргызстан түп көтөрө окуй баштагандыктан бизге чектелүү эле санда бөлүндү»- дейт Гапыр Мадаминовдун Сүлүктү шаарындагы шакирти Бакытбек Сапаркулов.  «Агайдын мугалимдер, студенттер, окуучулар үчүн арналган Акыл эмгегинин маданияты китеби: -эффективдуу билим алууну -өз алдынча өнүгүүнү-убакытты туура пайдаланууну -чет тилдерди өз алдынча өздөштүрүүнү -билимдерди системага салууну -экзамен, зачет, ОРТ, олимпиадага даярданууну -ойлоо жөндөмүн өстүрүүнү -чет өлкөдө билим алуу сырларын үйрөнүүнү каалаган студенттин, окуучунун  китеп текчесинде сөзсүз бар болушу керек болгон «MUST HAVE»  китеп. Бул китеп 20 жылдан ашык педагогикалык тажрыйбасы бар, ушул китептеги методика менен окуган окуучулары Америка, Малайзия, Германия, Кытай өлкөлөрүндө , өзүбүздүн ЖОЖдордо бюджетте окуп жаткан, Кыргыз элине эмгек синирген мугалим, педагогика илимдеринин кандидаты- Гапыр Мадаминов тарабынан 11- жолу!!! толуктоолор менен басмадан чыгып жатат. Бир эле окумуштуунун китеби окурмандардын суроо талабы менен он бир жолу басмадан чыккандыгы дүйнөдө өтө сейрек көрүнүш. Бизде эмне жакшы жетишкендиктер болгон болсо дал ушул Акыл эмгегинин маданияты, ата энелер сиздер үчүн жана ой Өрүшү кругозор китептери себептүү болгон»- дейт Сүлүктүдөгү №9-гимназиянын директору Базаргүл Рустамова.    «Балдарды жалпы республикалык тестирлөөгө даярдап жатканда окуу түшүнүү боюнча кыйынчылык болсо Гапыр Мадаминовдун Ой өрүшү кругозор китебин колдонуу өтө пайдалуу. Жалаң эле окуучулар эмес жалпы акыл эмгеги менен иштегендер үчүн да зарыл»- дейт гимназиянын кыргыз тили жана адабияты мугалими, билим берүүнүн мыктысы Дилара Шералиева.  «Китеп алууну каалагандар гимназиянын китепканачысы Гүлсүн Каракуловадан же 0772-98-88-10 (тел жана ватсап) аркылуу кошумча маалымат алса болот»- дейт Бакытбек Сапаркулов.

Даярдаган:     Айзада ЭРКИНОВА

Күйөөсү иштетпей койгон келин китеп бизнесин түзгөн

 Мугалим болуп иштеп жүргөн Гулзара Калысова турмушка чыккандан кийин, күйөөсү иштетпей койгон соң, эмне болгон күндө деле балдарга жакын болоюн деген максатта колдо бар эле акчасы менен өзүнүн мектебине китеп алып барып сатып жүрүп чоң бизнес негиздеген.  

Эки жылдан бери китеп бизнесин өнүктүрүп отуруп учурда Лейлек району боюнча 50 мектепти Сүлүктү шаарынан 9 мектепти китеп менен камсыз кылат. Исфана шаарынын борбордук базарына заманбап үлгүдөгү  китеп дүкөнүн ачкан.

      Бизнес 1

Калысова Гулзаранын айтымында китеп бизнесин ийгиликтүү болуусу үчүн жаңы маалымат технологоияларын колдонуп, мугалимдердин ортосунда топ түзө алгандыгынан болгон.

      Биснес сыры

«Алгач балдарга жакын болоюн деген ниетте иш баштаганым менен бара бара киреше дагы өсүп баштаганда күйөөм өзүнүн жумушун токтотуп жеке автоунаасы менен мага жардамга келди. Мобилдик китеп сатууга ыңгайланышкан автоунаа сатып алабыз деп деп жатат»- дейт Гүлзара Искендеровна.    Даярдаган: Бакытбек САПАРКУЛОВ

Сүлүктү: гимназиянын мугалимдери ишембиликке чыкты

 21-сентябрь бүткүл дүйнөлүк тазалык күнүнө карата Сүлүктүдөгү гимназиянын директору баш болуп ишембиликке чыкты. «Биз гимназия билимден эле эмес тарбиянан да үлгү болушубуз керек деп директорубуз Базаргүл Рустамова өзү чыгып иш баштаганда бардык мугалимдер иш баштады. Окуучуларга да үлгү болду окшойт 2-3 саатта бүтүрөбүз деген жумуштарды  бир жарым саатта бүтүрүп койдук»- дейт информатика мугалими Чынара Токонова.  Даярдаган:      Бакытбек Сапаркулов

Гапыр Мадаминов Сүлүктүгө билим шамын жакты.

 «Бүгүн Сүлүктү шаарында билим майрамы болду десек болот. Анткени новатор, педагогика илимдеринин кандидаты, Кыргыз Республикасына эмгек сиңирген мугалими Гапыр Мадаминов келип, окуучуларга, мугалимдерге жана ата-энелерге сабак өтүп берди. Иш чара саат 9:00 дөн баштап 17:30 га чейин Сүлүктүдөгү  №5-мектепте болуп өттү»- дейт аталган мектептин директору Хажихужа Чалбобоев. «Гапыр Мадаминовдун келип окуу өткөрүүсү  билим менен тарбияны айкалыштыруу жаатындагылар үчун караңгыда Шам чырак сыяктуу эле. Аба-менен суудай керек. Көп жыл мектеп директору болуп иштегениме карабастан көп нерсени алдым. Жаш энелердин арасынан ушунчалык таасирленгенинен улам көзүнө жаш алып, ыйлагандары болду»- дейт ардагер мугалим Ойсара Худайназарова.  «Бул окуу менен чектелбестен Агай жетектеген Лейлектеги  №3-гимназиясына барып үйрөнүүнү максат кылдык. Ушунча алыстан келип Эл аралык деңгээлде сабак өтүп берген Гапыр Мадаминовго, уюштуруп берген Сүлүктү шаардык билим берүү бөлүмүнүн башчысы Абдибахап Исмановдорго чоң ыракмат»- дейт  информатика мугалими Эргешали Турсунбаев.  Даярдаган:   Барчиной АЛИМОВА

Сүлүктү билим берүү бөлүмү кызматташуу денгээлин жогорулатты

 Сүлүктү шаардык билим берүү бөлүмү тарабынан билим берүүнү жакшыртуу, жетишкен ийгиликтерди мындан да жогорку даражага жеткирүү максатында республикалык деңгээлдеги уюмдар менен кызматташууну жолго коё алды. Өткөн окуу жылында алгачкылардан болуп Сүлүктү шаары электрондук мектепке өткөн болсо быйылкы жылдан баштап БИЛИМДИ БААЛОО ЖАНА ОКУТУУ УСУЛДАРЫ БОРБОРУ МЕНЕН кызматташууну баштады. Аталган мекеме ЦООМО  аталышы менен белгилүү же окуучулардан жалпы республикалык тестирлөөнү өткөрүүчү уюм   «Быйылкы окуу жалынан баштап ЦООМО менен бүтүрүүчү класстар үчүн көнүгүү тесттерин уюштуруп турабыз. Жыл башында бир жолу көнүгүү тест өткөрүп жетишпеген жактарды билип алып, ошонун үстүнөн иш жүргүзөбүз.  Үчүнчү чейрек жыйынтыкталганда дагы бир ирет көнүгүү тест тапшырып, окуучулардын тестке даярдыгын баалайбыз. ЦООМО менен кызматташканыбыздын себеби биринчиден ЖРТны уюштуруп өткөргөн уюм экинчиден ар бир предмет ар бир глава боюнча % аркылуу жетишүүнү көрсөтүп берет»- дейт билим берүү бөлүмүнүн башчысы Абдибахап Исманов. «Алгач гимназиянын бүтүрүүчү класстары үчүн 50 катышуучу болсо керек деп пландаштырганбыз. Шаардык билим берүү бөлүмүнүн сунушу менен Сүлүктүдөгү бардык мектептер катышууга чакырылды.  Иш жүзүндө шаар боюнча 116 окуучу көнүгүү тест тапшырды. Демек окуучуларды жалпы республикалык тестке даярдоодо түшүндүрүү иштери жеткиликтүү деңгээлде  жүргүзүлгөн»- дейт гимназиянын мугалими Бакытбек Сапаркулов. «Бизге башка район шаарларда окуп жаткан досторубуз суктанып жатат. Анткени алар көнүгүү тест тапшыруу үчүн жол кире кетирип Бишкек шаарына барат. Бизге болсо мектебибизге уюштуруп берди. Эми жакшы окуп, жогорку балл алып ата-энелерибиздин, мугалимдерибиздин эмгегин акташыбыз керек»- дейт 11-класстын гимназисти Айжамал Торобаева.   Белгилей кетсек 116 окуучу негизги тест 103 окуучу предметтик тест боюнча көнүгүү тест тапшырган. 

Даярдаган:       Барчиной АЛИМОВА